Aqtóbede bir-birine japsarlas salynǵan eki úı kúlge aınaldy
AQTÓBE. QazAqparat - Aqtóbe qalasynda bir-birine japsarlas salynǵan eki úı órtenip ketti. Biriniń úıinde jóndeý jumystaryna jınaǵan 450 myń teńge aqshasy kúlge aınaldy, dep habarlaıdy QazAqparat tilshisi.
Aqtóbe qalasy Qostanaı kóshesinde 24 sáýir kúni saǵat 11:33-te úı órtendi. Aldymen jeke úıden órt shyǵyp, keıin japsarlas ornalasqan úı men dúken jandy. Órt 12:25-te sóndirildi. Aqtóbe oblystyq tótenshe jaǵdaılar departamentiniń baspasóz qyzmetiniń habarlaýynsha, 59 jastaǵy áıeldiń eki qolyn kúıik shaldy. Oǵan alǵashqy medıtsınalyq kómek kórsetildi.
«Órttiń shyǵý sebebi áli anyqtalyp jatyr. Órt sóndirýge 4 tehnıka men 16 qyzmetker jiberildi. Jalpy aýmaǵy - 145 sharty metr», - dedi oblystyq TJD baspasóz qyzmeti.
«Kórshimizden órt shyǵyp, qyzyl jalyn bizdiń úıdi sharpydy. Qazir dalada qaldyq. Kıer kıim, isher tamaǵamyz joq. Úı jóndeýge dep jınaǵan 450 myń teńge aqsham da janyp ketti. Negizi bul úıde gaz atylyp, órt tez tarady. Úıden eshteńe alyp úlgermedik», - dedi úıdiń biriniń ıesi Kenjebolat Qurmanalın. Qazir dalada qalǵan eki kórshi de páter jaldady.
