Aqtóbede bir aı buryn iz-túzsiz ketken áıeldi óltirgen kúdikti ustaldy

AQTÓBE. QazAqparat – Aqtóbede Qarǵaly aýylynyń turǵynyn óltirdi degen kúdikpen er adam ustaldy, dep habarlaıdy QazAqparat tilshisi.

Aqtóbe qalalyq polıtsııa bólimine qala turǵyny habarlasyp, tamyz aıynda enesiniń úıden shyǵyp, bir aıdan beri qaıta oralmaǵany týraly aryz jazdy.

Qyrkúıekte polıtsııadan kómek suraǵan týǵan-týystary onyń buǵan deıin de ishimdik iship, úıine oralmaıtynyn aıtqan.

Polıtsııa adam joǵalǵan soń isti tirkep, izdestirýdi bastady.

Jedel ýákil joǵalǵan áıeldiń baratyn jerlerin qarap shyqty. Sol kezde zorlyq-zombylyq belgileri bar áıeldiń denesin tapty.

«Polıtsııa qyzmetkerleri páterdi tekserý kezinde kúdiktiniń jalǵyz turatynyn jáne kórshilerimen aralaspaıtynyn anyqtady. Kórshileri kúdiktini jiti tanymaıdy. Keıin tergeý kezinde kúdiktiniń bir aı boıy jumysqa barmaǵany da belgili boldy. Ol qylmys jasaǵan soń úıine oralmaı, dalada júrgen», - dedi Aqtóbe oblystyq PD bastyǵy Atyǵaı Arystanov.

Ustalǵan kúdikti bar kinásin moıyndady. Ol mas kúıinde áıeldi uryp-soǵyp, óltirgenin, keıin úıinen ketip qalyp, qaıta oralmaı, dalada ishimdik iship júrgenin aıtqan.

Qylmystyq kodekstiń «Adam óltirý» deregi boıynsha is qozǵalyp, tergeý bastaldy. Ózge málimetter tergeýge baılanysty qupııa saqtalady.