Aqtóbede bir aptada mas kúıinde kólik júrgizgen 78 júrgizýshi anyqtaldy
AQTÓBE. QazAqparat – Aqtóbede «Qaýipsiz jol» jedel aldyn alý sharasy ótip, 78 júrgizýshi kólik basqarý quqyǵynan aıyryldy, dep habarlaıdy QazAqparat tilshisi.
Aqtóbede 21-27 qazan aralyǵynda «Qaýipsiz jol» jedel aldyn alý sharasy júrgizildi. Bir aptada 3100 jol erejesi buzyldy. «78 adam mas kúıinde kólik aıdaǵany úshin kólik júrgizý quqyǵynan aıyryldy. Bir aptada jyldamdyqty asyrǵan 694, qarsy baǵytqa shyǵyp ketken 44, jaıaý júrginshige jolaqta jol bermegen 108 derek tirkelip, bári ákimshilik jaýapkershilikke tartyldy. Kólik basqarý kezinde uıaly telefon paıdalanǵan 338 fakti anyqtaldy», - dep habarlady oblystyq PD baspasóz qyzmeti.
