Aqtóbede bir aptada 7 adam jol apatynan kóz jumdy
AQTÓBE. QazAqparat - Aqtóbede jol-kólik apaty jıilep ketti, sońǵy bir aptada 7 adam qaza tapty, dep habarlaıdy QazAqparat tilshisi.
Bir apta ishinde oblys aýmaǵynda 4 jol-kólik oqıǵasy tirkelip, 7 adam qaza boldy. Taǵy birneshe adam túrli dene jaraqatyn aldy.
Jol-kólik oqıǵasy kezinde jyldamdyqty asyrý, kólik júrgizý kezinde tańǵy ýaqytta uıyqtap ketý faktileri de kóbeıip otyr.
«Oblystyq polıtsııa departamentiniń patrýldik polıtsııa qyzmetkerleri halyqaralyq jáne respýblıkalyq mańyzy bar avtojoldarda tańǵy ýaqytta barlyq kólik quralyn toqtatyp, túsindirý jumysyn júrgizip jatyr. Jol qozǵalys erejesin qatań saqtaýǵa talap etemiz. Jol qatelikti keshirmeıdi», - dep habarlady oblystyq PD baspasóz qyzmetiniń jetekshisi Erbolat Sarqulov.
