Aqtóbede bir aptada 27 jasóspirim ishki ister organdarynyń esebine alyndy
AQTÓBE. QazAqparat – Aqtóbede «Demalys» aldyn alý sharasy ótti. Bir aptada 27 jasóspirim ishki ister organdarynyń esebine alyndy, dep habarlaıdy QazAqparat tilshisi.
ıÝvenaldy polıtsııa ınspektorlary túngi ýaqytta ata-anasyz júrgen balalardy polıtsııa bólimshesine jetkizdi. «Demalys» aldyn alý sharasy kezinde barlyǵy 300 jasóspirimniń qaraýsyz qalǵanyn anyqtady.
«Ákimshilik quqyqbuzýshylyqqa jol bergen 28 jasóspirim bólimshege jetkizilip, 21 ata-ana jaýapqa tartyldy. Kámeletke tolmaǵandar kóbine buzaqylyq jasaıdy, sóıtip ata-anasy aıyppul tóleıdi. Sonymen birge 27 jasóspirim jáne 29 qolaısyz otbasy esepke alyndy», - deıdi oblystyq jergilikti polıtsııa qyzmeti basqarmasynyń aǵa ınspektory polıtsııa maıory Nurjan Muqymov.
ıÝvenaldy polıtsııa ınspektorlary aýla, saıabaq jáne jastar kóp jınalatyn oryndarda, oıyn-saýyq ortalyqtarynda reıdtik jumystar júrgizdi.
«Jasóspirimder qylmystyq jazasy aýyr bolatynyn bilmeıdi, sezbeıdi. Biz túsindirip, oılanbaı jasaǵan ár istiń suraýy bolatynyn uǵyndyramyz. Muny ata-ana da aıtyp, eske salyp otyrýy tıis», - dedi Nurjan Muqymov.
