Aqtóbede bıyl otbasyn qurǵandar azaıyp, ajyrasqandar kóbeıdi
AQTÓBE. KAZINFORM - Bıyl segiz aıda 3 211 neke tirkeldi. Al 1 498 jup ajyrasýǵa sheshim qabyldaǵan. Byltyrǵa qaraǵanda otbasy qurǵandar azaıdy, ajyrasqandar kóbeıdi.
QR Strategııalyq josparlaý jáne reformalar agenttigi Ulttyq statıstıka bıýrosynyń Aqtóbe oblystyq departamenti 9 aıdyń qorytyndysyn shyǵardy. Onyń ishinde oblys halqy týraly tyń málimetter de bar. Óńir turǵyndarynyń sany 958 myńnan asty. Onyń ishinde 605 myńnan astamy Aqtóbe qalasynda turady.
- Bıyl qańtar–tamyz aılary aralyǵynda oblystaǵy tabıǵı ósim 6 myń adam boldy. Osy aralyqta 9,7 myń bala dúnıege kelip, qaıtys bolǵandar sany 3,7 myń adamǵa jetti. Sonymen birge 2025 jylǵy qańtar–tamyz aılarymen salystyrǵanda tabıǵı ósim 11,1 paıyzǵa, týý kórsetkishi 7,1 paıyzǵa tómendedi. Halyqtyń jynystyq quramyna kelsek, erlerdiń úlesi 49,2 paıyzdy, áıelderdiń úlesi 50,8 paıyzdy quraıdy,- dedi QR Strategııalyq josparlaý jáne reformalar agenttigi Ulttyq statıstıka bıýrosynyń Aqtóbe oblystyq departament basshysy Aıbek Ǵalymjanov.
Taǵy bir derek, óńirde otbasyn qurǵandar sany azaıdy.
- Bıyl segiz aıda oblysta 3 211 neke tirkeldi, al ajyrasý sany 1 498-di qurady. Ótken jyldyń sáıkes kezeńimen salystyrǵanda neke sany 10,4 paıyzǵa azaıyp, ajyrasý sany 9,9 paıyzǵa ósti,- dedi Aıbek Ǵalymjanov.
Buǵan deıin ajyrasý balalardyń psıhıkasyna qalaı áser etetini jáne ony qalaı jeńildetýge bolatyny týraly jazyldy.
