Aqtóbede bıyl orman órti 57 paıyzǵa kóbeıdi
AQTÓBE. KAZINFORM — Bıyl 11 orman órti tirkeldi. Órt aýdany 290 gektardy qurady.
Aqtóbe oblystyq TJD baspasóz qyzmetiniń habarlaýynsha, byltyr 7 orman órti oqıǵasy tirkelgen. Al bıyl órt qaýipti kezeńde onyń sany 11-ge jetip, ótken jylmen salystyrǵanda 57,1 paıyzǵa artqanyn kórsetip otyr.
— Bıyl dalalyqta 22 janý oqıǵasy tirkeldi. Aýdany 330 gektarǵa jýyqtaıdy. Byltyrǵyǵa qaraǵanda janý deregi 54 paıyzǵa azaıdy. Al qatty turmystyq qaldyqtar polıgondarynda 5 janý oqıǵasy tirkeldi. Onyń ekeýi Aqtóbe qalasynda, úsheýi Alǵa aýdanynda boldy. Polıgonǵa qyzmet kórsetýshi kompanııa ákimshilik jaýapqa tartylyp, aıyppul salyndy, — dedi Aqtóbe oblystyq TJD baspasóz qyzmeti.
Jalpy óńirde bıyl 264 órt tirkeldi. Onyń ishinde úı de, kólik te bar. Tótenshe jaǵdaılar qyzmeti ottyń kóbine salǵyrttyq saldarynan tutanatynyn aıtty.
Aıta keteıik, Oral qalasynda Han toǵaıy otqa orandy. Aldyn ala málimet boıynsha órt baǵan qulap, elektr symynyń qysqa tuıyqtalýynan shyqqan.
