Aqtóbede bıyl qansha aýyl gazben qamtylady
AQTÓBE. KAZINFORM — Úsh aýdanda 8 aýylǵa gaz qubyry tartylady. Taǵy 8 joba usynyldy.
Aqtóbe oblysynda Áıteke bı aýdanynyń Aqtasty, Tumabulaq, Jabasaq, Mártók aýdanynyń Poltavka, Oıyl aýdanynyń Qarakemer, Kemer, Aqkemer jáne Aqshataý aýyldaryna bıyl tabıǵı gaz beriledi. Bul aýyldarda 3 700-den astam adam turady.
— Respýblıkalyq bıýdjet komıssııasyna taǵy 8 joba usynyldy. Olar Qobda aýdanynyń Kók úı, Jırenqopa, Yrǵyz aýdanynyń Quıylys, Oıyl aýdanynyń Sárbıe, Qubasaı, Qaraoı, Temir aýdanynyń Qumkudyq, Shıbulaq, Babataı, Baıǵanın aýdanynyń Qosaral, Kókbulaq, Muǵaljar aýdanynyń Aqsý, Qumsaı, Mártók aýdany nyń Dmıtrıevka aýyly. Munda barlyǵy 6 myńǵa jýyq adam turady. Qarjy bólinip, jobalar júzege asyrylsa, gazben qamtamasyz etilgen eldimekender sany 225-ke jetedi. Aqtóbede qazir 319 aýyl bar, — dep habarlady Aqtóbe oblystyq energetıka jáne turǵyn úı-kommýnaldyq sharýashylyǵy basqarmasy.
Aıta keteıik, Túrkistanda 2027 jylǵa deıin 161 eldimekendi tabıǵı gazben qamtamasyz etý josparlanyp otyr. Ótken jyly 87 nysannyń qurylysyna 20,7 mlrd teńge bólingen.
