Aqtóbede bıyl 14 kámeletke tolmaǵan sottaldy
AQTÓBE. KAZINFORM — Kámeletke tolmaǵandardyń isteri jónindegi mamandandyrylǵan aýdanaralyq sotynda 25 is qaraldy. Oǵan 36 sotttalýshy qatysty.
Aqtóbede kámeletke tolmaǵandar arasynda qylmystyq jaýapqa tartylǵandar sany jyl ótken saıyn artyp otyr. Kámeletke tolmaǵandardyń isteri jónindegi mamandandyrylǵan aýdanaralyq sotynyń baspasóz qyzmetiniń derekterine súıensek, 2023 jyly 54, 2024 jyly 56, al 2025 jyly 88 is qaralyp, oǵan 92 kámeletke tolmaǵan sottalýshy qatysty. Sot úkimimen 44-i sottaldy. Bıyl birinshi toqsanda Kámeletke tolmaǵandardyń isteri jónindegi mamandandyrylǵan aýdanaralyq soty 25 isti qarady. Oǵan 36 kámeletke tolmaǵan sottalýshy qatysyp, 14-i sottaldy.
— Qazaqstanda qylmystyq jaýaptylyq 16 jastan bastalady. Sonymen qatar aýyr jáne asa aýyr qylmystar jasasa 14 jastan bastap qarastyrylǵan. Jaza túrleri: aıyppul, qoǵamdyq jumystarǵa tartý, túzeý jumystary, bas bostandyǵyn shekteý, bas bostandyǵynan aıyrý, tárbıelik yqpal etý sharalary. Al 14 jasqa tolmaǵan tulǵalar qylmystyq jaýaptylyqqa tartylmaıdy, — dep habarlady Kámeletke tolmaǵandardyń isteri jónindegi mamandandyrylǵan aýdanaralyq sotynyń baspasóz qyzmeti.
Aıta keteıik, Aqtóbede ózinen kishi balany urǵan mektep oqýshysyna sotta aıyp taǵyldy. Sot isti jabyq qaraýǵa sheshim qabyldady. Mektep oqýshysyna Qylmystyq kodekstiń «Densaýlyqqa qasaqana aýyrlyǵy ortasha zııan keltirý» baby boıynsha aıyp taǵylyp jatyr.
