Aqtóbede beınebaqylaý kameralary arqyly 5 myńnan astam ákimshilik quqyqbuzýshylyq tirkeldi
AQTÓBE. KAZINFORM — Polıtsııa kameralardyń kómegimen 57 qylmysty ashty. Sonymen birge mas kúıinde kóshede júrgender ákimshilik jaýapqa tartyldy.
Aqtóbe oblysynda jyl basynan beri 5 myńnan astam ákimshilik quqyqbuzýshylyq tirkeldi. Onyń 900-den astamy usaq buzaqylyq bolsa, 700-den astamy qoǵamdyq oryndarda mas kúıde júrgen.
Sonymen qatar 57 qylmys ashylǵan. Sonymen birge dronnyń derekteri Jedel basqarý ortalyǵyna jazylady.
— Ushqyshsyz ushý apparattary jol qozǵalysyn baqylaýǵa, quqyq buzýshylyqtardy anyqtaýǵa jáne jaıaý júrginshilerdiń qozǵalysyn qadaǵalaýǵa múmkindik beredi. Drondardan túsetin beınejazba tikeleı Jedel basqarý ortalyǵyna onlaın rejımde beriledi. Aqtóbe oblysynda tsıfrlyq baqylaý júıesi qarqyndy damyp keledi. Búginde óńirde 87 myńnan astam beınebaqylaý kamerasy jumys isteıdi. Onyń 17 myńy bilim berý mekemelerinde ornatylǵan, al 26 myńy Jedel basqarý ortalyǵynyń júıesine qosylǵan, — dep habarlady Aqtóbe oblystyq PD baspasóz qyzmeti.
Óńirdegi myńǵa jýyq kamerada jasandy ıntellekt elementteri bar. Al 200-den astamy bet-álpetti tanı alady.
Buǵan deıin habarlaǵanymyzdaı, 12 naýryzdan bastap Qazaqstanda jol qozǵalysy erejelerin buzýdy tirkeýdiń jańa tártibi iske qosyldy. Endi avtomatty rejımdegi kameralar men aqyldy júıeler «qaýipsizdik beldigin taqpaý» jáne «kólik júrgizý kezinde telefon paıdalanýdy» tirkep, aıyppuldy tikeleı rásimdeıdi.
