Aqtóbede beıit tonaǵan turǵyn ustaldy
AQTÓBE. QazAqparat – Aqtóbede beıittegi temir qorshaýlar men qulpytastardy urlaǵan turǵyn ustaldy, dep habarlaıdy QazAqparat tilshisi.
Polıtsııa qaladaǵy Sút zaýyty aýdanyndaǵy beıtti tonaǵan turǵyndy qolǵa túsirdi. Oqıǵa qańtardyń 21-inen 22-ne qaraǵan túni boldy.
«Polıtsııa qyzmetkerleri zırattan shyǵyp, Embi kóshesine qaraı baǵyt alǵan shana izderin baıqady. Іzder 40 jastaǵy er adam turatyn jeke úıge ákeldi. Tekserý kezinde onyń úıinen beıitterdegi metall qorshaýlar tabyldy. Ol arnaıy aqsha úshin tapsyrmaq bolǵan», - dedi oblystyq PD baspasóz qyzmetiniń jetekshisi Erbolat Sarqulov
Qylmystyq kodekstiń «Urlyq» baby boıynsha sotqa deıingi tergeý bastaldy.
