Aqtóbede beıimdeý ortalyǵynan ketip qalǵan eki qyz jaldamaly páterden tabyldy
AQTÓBE. QazAqparat - Aqtóbede beıimdeý ortalyǵynan ketip qalǵan 15 jáne 17 jastaǵy eki qyz jaldamaly páterden tabyldy, dep habarlaıdy QazAqparat.
Aqtóbe qalalyq polıtsııa basqarmasy №2 qalalyq polıtsııa bóliminiń kezekshi bólimshesine kámeletke tolmaǵan eki qyzdyń joǵalǵany týraly habarlama tústi. Olar «Aıala» beıimdeý ortalyǵynyń tárbıelenýshileri. Ortalyq dırektory polıtsııa qyzmetkerlerine 12-mamyr kúni beıimdeý ortalyǵynyń aýmaǵynan 15 jáne 17 jastaǵy qyzdardyń ketip qalǵanyn habarlady.
«Polıtsııa qyzmetkerleri dereý qyzdardy izdeýge kiristi jáne olar barýy múmkin barlyq jerdi tekserdi. Júrgizilgen izdestirý is-sharasynyń nátıjesinde polıtseıler qyzdardyń qaıda ekenin anyqtady. Olar eki táýlik boıy Aqtóbe qalasy, Týrgenev kóshesindegi jaldamaly páterde bolǵan. ıÝvenaldy polıtsııa qyzmetkerleri kámeletke tolmaǵandarmen profılaktıkalyq áńgime júrgizip, ortalyqtyń tárbıeshilerine tapsyrdy»,- dedi oblystyq PD baspasóz qyzmetiniń jetekshisi Erbolat Sarqulov.
