Aqtóbede besinshi synyp oqýshysyn jolda kólik qaǵyp ketti
AQTÓBE. QazAqparat – Aqtóbede «Hyundai Matrix» markaly kólik júrgizýshisi eski meshit jaqta joldan ótip bara jatqan 5-synyp oqýshysyn qaǵyp ketti, dep habarlaıdy QazAqparat tilshisi PD baspasóz qyzmetine silteme jasap.
Polıtsııa departamentiniń baspasóz hatshysy Erbolat Sarqulovtyń aıtýynsha, jol-kólik oqıǵasy 22 qyrkúıek kúndiz bolǵan.
«Matrix» avtokóliginiń júrgizýshisi Barsıev kóshesimen Nekrasov kóshesi jaǵynan Narımanov kóshesine qaraı kele jatyp, joldan ótip bara jatqan kámelettik jasqa tolmaǵan 5-synyp oqýshysyn qaǵyp ketti. Bala oblystyq balalar klınıkalyq aýrýhanasyna jetkizildi», - dedi E.Sarqulov.
Atalǵan fakti boıynsha tergeý júrip jatyr. Aqtóbe oblystyq polıtsııa departamenti ata-analardan balalarǵa joldan ótý erejelerin úıretýge, al júrgizýshilerden jyldamdyq rejimin saqtaýdy suraıdy.
Avtory Samal Endibaeva
