Aqtóbede besinshi qabattan qulap, aýrýhanada jatqan bala kóz jumdy
AQTÓBE. QazAqparat – Aqtóbede besinshi qabattan qulap, bir apta aýrýhanada jatqan 2 jasar bala kóz jumdy, dep habarlaıdy QazAqparat tilshisi.
Oblystyq polıtsııa departamenti jazataıym oqıǵalardyń aldyn alý maqsatynda kámeletke tolmaǵan balalardyń bos ýaqytyn jáne ornalasqan jerin muqııat baqylaý qajet ekenin eskertedi. Bıyl óńirde bes bala terezeden qulap ketti.
«30 maýsym kúni Aqtóbe qalasyndaǵy kópqabatty úılerdiń birinde jazataıym oqıǵa boldy. Besinshi qabattan 2 jasar bala qulap ketken. Balanyń anasy as úıde bolǵan. Bala túrli jaraqatpen qalalyq aýrýhanaǵa jatqyzyldy. Bir apta aýrýhanada jatqan bala kóz jumdy. Osyǵan baılanysty ata-analarǵa muqııat bolýdy, balaǵa únemi qaýipsizdik erejesin eske salyp otyrýdy eskertemiz», - dedi Aqtóbe oblystyq PD bastyǵynyń birinshi orynbasary Qanat Álıev.
