Aqtóbede besinshi qabattaǵy terezeden qulaǵan 1 jasar sábı kóz jumdy
AQTÓBE. QazAqparat – Aqtóbeniń Muǵaljar aýdany Qandyaǵash qalasynda kópqabatty úıdiń terezesinen 1 jasar bala qulap, mert boldy, dep habarlaıdy QazAqparat tilshisi.
Qandyaǵash qalasynyń ortalyq aýdandyq aýrýhanasynyń jansaqtaý bólimine bir jasar sábı jetkizildi. Birneshe saǵattan keıin bala aýrýhanada kóz jumdy.
Tergeý barysynda anyqtalǵandaı, bala qonaq bólmede terezeniń qasynda oınap júrip, 5-shi qabattyń terezesinen qulap ketken.
«Kóbine 2-7 jas aralyǵyndaǵy balalardyń terezeden qulap ketý qaýpi bar. Mundaı jazataıym oqıǵalardyń aldyn alý úshin balalardy úıde qaraýsyz qaldyrmaý qajet. Jıhazdy bala terezege kóteriletindeı etip qoımańyz. Terezege qoıylatyn tordyń sapaly túri de balanyń salmaǵyn kótere almaıdy. Balalardy qorǵaý úshin terezelerge arnaıy fıksator ornatý qajet. Ol balaǵa terezeni birneshe santımetrden artyq ashýǵa múmkindik bermeıdi», - deıdi Aqtóbe oblysy PD Jergilikti polıtsııa qyzmetiniń ıývenaldy polıtsııa aǵa ınspektory Nurjan Mýkýmov.
