Aqtóbede bes kúnde 318 adamnan koronavıýs ınfektsııasy anyqtaldy
AQTÓBE. QazAqparat – Aqtóbede epıdahýal kúrdelene tústi. «Qyzyl» aımaqqa kirgen óńirde karantın kúsheıip, vaktsına saldyrý mindetteldi, dep habarlaıdy QazAqparat tilshisi.
«Aqtóbe oblysynda bir táýlikte 77 adamnan koronavırýs ınfektsııasy anyqtaldy. Saldarynan 182 adam karantınge oqshaýlandy. Bári medıtsına qyzmetkerleriniń baqylaýynda. Qazirgi kezde 1900-ge jýyq adam úı karantınine alynǵan. Halyq arasynda delta shtamy bar. Ásirese jastar arasynda jıi tirkeledi. Sondyqtan vaktsına qabyldap, qorǵanyp júrýge shaqyramyz», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaev.
Jalpy bes kúnde 318 adamnan koronavırýs ınfektsııasy anyqtaldy. Muhtar Serbaevtyń aıtýynsha, kún ótken saıyn ósim tirkelgen soń qatań shekteýi saqtalady. Áli de senbi, jeksenbi kúnderi bazar, saýda ortalyqtary jumys istemeıdi.
«Antıdenege senip, vaktsınadan bas tartýǵa bolmaıdy. Sonymen birge jas analar da vaktsına qabyldaı alady. Qazirgi kezde koronavırýspen aýyrǵan adamdar úsh aı ótken soń vaktsına saldyrýy tıis. Bári de ult saýlyǵy úshin atqarylyp jatqan is. Aıtyp óteıin, josparly medıtsınalyq em jalǵasa beredi. Bizde vırýs juqtyrǵandardy qabyldaıtyn emdeý orny jetkilikti», - dedi oblystyq sanıtarııalyq-epıdemıologııalyq baqylaý departamenti basshysynyń orynbasary Muhtar Serbaev.
