Aqtóbede bes qabatty turǵyn úı órtendi
AQTÓBE. QazAqparat - Aqtóbede 5 qabatty turǵyn úıdiń tórtinshi qabatyndaǵy páterden órt shyqty, dep habarlaıdy QazAqparat QR ІІM TJK baspasóz qyzmetine silteme jasap.
Órt 9 mamyr kúni 14.38-de shyǵyp, 14.58-de aýyzdyqtaldy jáne 15.05-te sóndirildi. 4 adam evakýatsııalanyp, 1 adam qutqaryldy.
Jalyn 3 sharshy metr aýmaqty sharpyǵan. 1929 jylǵy áıel adam ıisti gazden ýlanyp, aýrýhanaǵa jetkizildi. Órttiń aldyn ala shyǵý sebebi - elektr symdarynyń qysqa tuıyqtalýy.
Aqtóbe oblystyq órt sóndirý qyzmetiniń qyzmetshileri tilsiz jaýdy der kezinde aýyzdyqtady.
TJK atap ótkendeı, qysqa tuıyqtalýdyń birneshe sebebi bar. Ol ızolıatsııa sapasynyń tómen bolýy, elektr symdaryn durys emes jóndeý, symdar men elektr quraldarynyń nashar qosylýy saldarynan bolýy múmkin.
