Aqtóbede belgisiz bireý qyzdy kepilge aldy

AQTÓBE. KAZINFORM — Aqtóbe qalasyndaǵy Máskeý aýdanynda belgisiz bireý qyzdy kepilge aldy. Qazir kelissóz júrip jatyr.

Aqtóbe oblystyq PD baspasóz qyzmetiniń habarlaýynsha, 102-ge qońyraý túsken. Onda qyzdy kepilge alǵany týraly habarlama boldy.

— Jer úılerdiń birine belgisiz adam kirip ketken. Ol qyzdy kepilge alǵan. Oqıǵa ornyna shuǵyl qyzmettiń bári jetti, aýmaq qorshaýǵa alyndy. Oblystyq polıtsııa departamentiniń bastyǵy, qala prokýrory oqıǵa ornynda júr. Qazir kelissóz júrip jatyr, — dep habarlady oblystyq PD baspasóz qyzmeti.

Áleýmettik jeli arqyly taraǵan vıdeodan jedel járdemniń, órt sóndirýshiler men polıtsııanyń birneshe brıgadasyn kórýge bolady. 

Eske salsaq, Atyraý oblysynyń 27 jastaǵy turǵyny bir búıregin 9 mln teńgege baǵalady. Ol 5 mln teńge alyp jatqan berinen ustalyp, sot aldynda jaýap berip jatyr.