Aqtóbede belbeý kúresinen el birinshiligi ótedi
AQTÓBE. QazAqparat - Aqtóbede naýryz aıynyń 25-29 kúnderi belbeý kúresinen el birinshiligi ótedi, dep habarlaıdy QazAqparat tilshisi.
Chempıonat QR Táýelsizdiginiń 30 jyldyǵy men Qajymuqan Muńaıtpasulynyń 150 jyldyǵy meretoıyna oraı ótedi. Jarysqa 14 oblys pen Nur-Sultan, Almaty, Shymkent qalalarynan 300-ge jýyq sportshy qatysýǵa ótinish bildirgen. Erler 8, qyzdar 5 salmaq dárejesi boıynsha erkin, klassıkalyq stılde kúresedi.
«Ár salmaq boınysha quramadan 2 palýan qatysýǵa ruqsat etilgen. Jarysta jeńiske jetkender Qazaqstan ulttyq quramansyna irikteledi. Olar qazan aıynda Tatarstanda ótetin álem birinshiligine jáne TMD oıyndaryna qatysady. Al Tashkentte ótedi dep josparlanǵan Azııa chempıonaty epıdjaǵdaıǵa baılanysty belgisiz ýaqytqa shegerildi. Uıymdastyrý alqasynyń erejesine saı, qatysýshylar, jattyqtyrýshylar, ókilder men tóreshiler COVID2019-ǵa qarsy PTR test tapsyryp, anyqtama ákelýi tıis», - dedi oblystyq dene shynyqtyrý jáne sport basqarmasynyń baspasóz qyzmetkeri Erlan Muqan.
Aıta keteıik, ótken jyly jekeleı synda ótken chempıonatta aqtóbelik palýandar 2 altyn, 2 kúmis, 3 qola jeńip aldy.
