Aqtóbede Belarýs ınvestorynyń quqyǵy qorǵaldy
Investorlardyń quqyǵyn qorǵaý, ınvestıtsııalyq ahýaldy saqtaý maqsatynda óńirde «Protecting Business and Investments» jobasy eki jyl buryn iske qosyldy. Sondaı-aq ınvestıtsııalyq jobalardy sybaılas jemqorlyqqa qarsy is-qımyl jónindegi ondaǵan kelisimge qol qoıylyp, Reseı Federatsııasy, Qytaı Halyq Respýblıkasy, Túrkııa, Germanııa, Belarýs, Nıderlandy, Shveıtsarııa, Slovakııa sekildi memleketterden kelgen ınvestorlar, sonymen qatar jergilikti kásipkerler Aqtóbe oblysynyń Sybaılas jemqorlyqqa qarsy qyzmetine senim bildirdi.
Al búgin neırohırýrgııa jáne travmatologııa salasynda joǵary tehnologııalyq ımplant buıymdardy óndirýdi júzege asyratyn Belarýs Respýblıkasynyń ınvestory, sondaı-aq gaz toltyrý stantsııalarynyń qurylysyn júrgizetin «Port Impex» JShS-i sybaılas jemqorlyqqa qarsy kelisimge qol qoıdy.
«Biz aldaǵy ýaqytta da ınvestorlardyń qyzmetine kedergi keltirýdiń árbir faktisine jedel jáne prıntsıpti túrde áreket etýdi kózdep otyrmyz. Aldyn alý sharalaryna nazar aýdara otyryp, sybaılas jemqorlyqqa qarsy qyzmet ınvestıtsııalyq jobalarǵa óziniń qatysýyn birden belgileıtin bolady, bul sheneýnikter úshin tejeýshi faktor bolýy tıis», - dedi Sybaılas jemqorlyqqa qarsy is-qımyl agenttigi oblystyq departamentiniń basshysy Mırlan Muhambetov. Óz kezeginde Belarýs Respýblıkasynan kelgen ınvestor Dmıtrıı Klımenok jer ýchaskesiniń nysanaly maqsatyn ózgertý kezinde kedergige tap bolǵanyn, qazir ınvestıtsııalyq ahýal ózgergenin jetkizdi.
«Máseleni oń sheshýdiń arqasynda Aqtóbe oblysy azamattarynyń densaýlyq saqtaý júıesi medıtsınalyq maqsattaǵy buıymdardyń ınnovatsııalyq óndirisin tartý arqyly jaqsarady, sondaı- aq ondaǵan jumys orny saqtalyp qaldy», - dedi ınvestor Dmıtrıı Klımenok.
