Aqtóbede bazarlardyń jumys kestesi ózgerdi
Aqtóbede 5 kún buryn shyqqan qaýlyǵa qaıta ózgertý engizildi. Buǵan deıin iri bazarlar 9:00-13:00 jáne 10:00-16:00 aralyǵynda jumys istese, endi eki kúnge jabylady.
«Kúsheıtilgen sanıtarııalyq-dezınfektsııalyq rejımdi saqtaı otyryp azyq-túlik, mal, avtomobıl, kıim-keshek, qurylys bazarlarynyń jumys rejımi saǵat 09:00-den 18:00-ge deıin bolady. Aptanyń dúısenbi jáne beısenbi kúnderi sanıtarlyq kúnge jabylady. Azyq-túlik satpaıtyn dúkenderdiń, saýda ortalyqtarynyń, úılerdiń, turmystyq tehnıka, qurylys dúkenderiniń aýdanyna qaramastan jumys rejımi saǵat 10:00-den 19:00-ge deıin uzartyldy. Ár aptanyń dúısenbisi - sanıtarlyq kún. Saýda-oıyn-saýyq ortalyqtary sanıtarııalyq-dezınfektsııalyq rejımdi saqtaı otyryp 10:00-den 19:00-ge deıin qyzmet kórsetedi. Munda ár aptanyń sársenbisi - sanıtarlyq kún», - dep jazylǵan oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy N.Berkimbaeva shyǵarǵan qaýlyda.
Sonymen birge býkmekerlik keńse, bılıard, boýlıng-ortalyqtaryna saǵat 10:00-den 20:00-ge deıin jumys isteýge ruqsat berdi. Dinı ǵımarattarda tek jeke tártippen, keminde 1,5 m araqashyqtyqty saqtaı otyryp, duǵa jasaý múmkindik bar.
Kóshelerdi jappaı dezınfektsııalaý, árbir reıs aldynda qoǵamdyq kólikti, qoǵamdyq kólik aıaldamalaryn (kúnine eki retten kem emes), kóp páterli turǵyn úılerdiń kireberisin, balalar jáne sport alańdaryn, bankomattardy, bank termınaldaryn, POS-termınaldardy dezınfektsııalaý mindetteldi.
Poshta onlaın formatta qyzmet kórsete almaıdy. Sondyqtan 09:00 men 18:00 aralyǵynda jumys isteıdi.
