Aqtóbede bazarlar jeksenbi jáne meıram kúnderi jumys isteıtin boldy

AQTÓBE. QazAqparat – Aqtóbede jeksenbi jáne mereke kúnderi bazarlar jumys isteıdi. Aqtóbe oblystyq bas memlekettik sanıtarııa dárigeriniń jańa qaýlysy shyqty, dep habarlaıdy QazAqparat tilshisi.

Aqtóbe oblysynyń bas memlekettik sanıtarııa dárigeri shyǵarǵan qaýlyda birqatar jeńildik bar.

Buǵan deıin jeksenbi jáne mereke kúnderi bazarlar jabyq turdy.

Endi saýda-oıyn-saýyq ortalyqtary, saýda úıleri, saýda jelileriniń qyzmetine jumys jáne senbi kúnderi ishki tártipke sáıkes, jeksenbi jáne mereke kúnderi saǵat 10:00 – 17:00-ge deıin ruqsat berildi.

Sonymen birge osy obektilerdegi balalardyń oıyn alańy men attraktsıondar qyzmetine tyıym salynady.

Jabyq azyq-túlik jáne azyq-túlik emes bazarlardyń qyzmetine jumys jáne senbi kúnderi ishki tártipke sáıkes, jeksenbi jáne mereke kúnderi saǵat 08:00 – 17:00-ge deıin ruqsat berildi.

Balalar kabınetteriniń/túzetý ortalyqtarynyń, balalar jáne eresekter bilim ortalyqtarynyń qyzmeti de ishki tártip boıynsha retteledi.

Tek bala sany 15-ten aspaýy tıis. Balabaqshadaǵy kezekshi topta bala sany 20-dan aspaýy tıis.

Buǵan deıin 15 balaǵa ǵana ruqsat berilgen bolatyn.

Qaýlyda shekteý sharasy da qamtylǵan. Aqtóbede jańa jyldyq keshter, erteńgilikter ótkizýge tyıym salyndy.

Otbasylyq basqosýlar da ótkizýge bolmaıdy. Jınalys, keńes, semınarlar uıymdastyrýǵa shekteý qoıylǵan.