Aqtóbede baıqaýshylar men senimdi ókilderden shaǵym túspedi - Nurlybek Júsipov
Aqtóbeniń Oıyl, Qobda, Yrǵyz aýdandarynda aýdan ákimderiniń saılaýy ótip jatyr. Qazirgi kezde baıqaýshylar men senimdi ókilderden eshqandaı shaǵym túspedi, dep habarlaıdy Kazinform.
«Úsh aýdanda saılaý ótip jatyr. Bul tarıhı oqıǵa. Barlyǵy 79 saılaý ýchaskesinde 28 myńnan astam adam daýys berýge quqyly. Qazirgi ýaqytta turǵyndardyń belsendiligi jaqsy. Jalpy úsh aýdanda 9 kandıdat tirkelgen. Olardyń úsheýi partııa, ózgesi ózin-ózin usynǵan. Kandıdattardyń eń jasy – 38, al úlkeni 61 jasta. Ortasha jasy – 48 jas, - dedi oblystyq saılaý komıssııasynyń tóraǵasy Nurlybek Júsipov.
Onyń aıtýynsha, saılaýshylar saılaý ýchaskesi, mekenjaıy týraly aldyn ala bilip otyr. Tipti uıaly baılanys operatorlary arqaly sms habarlama da alǵan.
«Baıqaýshylar keshke deıin tirkele beredi. Akkredıttelgen uıymdar, saıası partııanyń baıqaýshylary men senimdi ókilder barlyq aýdanda bar. Qazirgi ýaqytqa deıin qandaı da bir shaǵym túspedi. Saılaý qalypty jaǵdaıda ótip jatyr», - dedi Nurlybek Júsipov.
Eske salsaq, Aqtóbeniń úsh aýdanynda úsh-úshten kandıdat bar. Saılaý ótkizýge bıýdjetten barlyǵy 136 mln teńge bólindi.
