Aqtóbede batýt ortalyǵy múgedek bolyp qalǵan balaǵa 7 mln teńge tóleıdi

AQTÓBE. KAZINFORM — Bala oń jaq aıaǵynan zaqym alǵan. Oǵan úshinshi top múgedektigi berildi. Sotta batýt ortalyǵynyń kinási dáleldenip, moraldyq zııan óndirildi.

Aqtóbe oblystyq sotynyń azamattyq ister jónindegi sot alqasy batýt ortalyǵynda oınap, múgedek bolyp qalǵan balanyń isin qarady. Іs materıalyna súıensek, oqýshy oınap júrip, qulap qalady. Sol kezde aıaǵynan zaqym alyp, birneshe ret ota jasatty. Dárigerler keıin oǵan úshinshi top múgedektigin beredi.

— Balanyń aıaǵyna Ilızarov apparaty ornatylǵan. Uzaq ýaqyt aýrýhanada jatyp, sabaqqa barmady. Repetıtordyń qyzmetine júgingen. Birinshi satyda sot balanyń bastan keshken qıyndyǵyn eskerip, talap aryzdy ishinara qanaǵattandyrǵan. Jaýapkerden 2 000 000 teńge óndirip alý týraly sheshim shyǵarylǵan. Іs talap qoıýshynyń shaǵymy boıynsha apellıatsııalyq satyda qaıta qaraldy. Apellıatsııalyq satyda Azamattyq protsestik kodekstiń 6-babynyń 5-bóligin negizge alyp, moraldyq zııandy 7 000 000 teńgege deıin ulǵaıtý qajet degen qorytyndyǵa keldi, — dep habarlady Aqtóbe oblystyq sotynyń baspasóz qyzmeti.

Aıta keteıik, Aqtaýdaǵy áýejaıda jaraqat alǵan búldirshinge 2 mln teńge ótemaqy tólenetinin jazǵanbyz. Oqys oqıǵa 2024 jyldyń jazynda bolǵan.