Aqtóbede basy temirge qystyrylyp qalǵan 2 jasar balaǵa qutqarýshylar kómektesti
AQTÓBE. QazAqparat – Aqtóbede 2 jasar balanyń basy temirge qystyrylyp qalyp, qutqarýshylar kómektesti, dep habarlaıdy QazAqparat tilshisi.
Búgin Aqtóbe oblystyq tótenshe jaǵdaılar departamenti № 21 órt sóndirý-qutqarý beketiniń qutqarýshylary balkonnyń temir tirekteriniń arasyna basyn qystyryp alǵan eki jasar balany qutqardy.
«Balkonda oınap júrgen kishkentaı bala basyn temir tirektiń arasyna suǵyp, ony óz betinshe shyǵara almaı qaldy. Habarlama Órt sóndirý qyzmetiniń kúshter men quraldardy jedel basqarý ortalyǵynyń 112 pýltine saǵat 10:45tústi. Ata-anasy da balaǵa kómektese almaǵan. Oqıǵa ornyna jedel-qutqarý toby, dárigeri men psıholog mamandar arnaıy kólikpen shyqty. Qutqarýshylar ata-anasynyń qatysýymen gıdravlıkalyq jedel qutqarý quralyn paıdalanyp, balkon temir tirekterin kesip, balany bosatty. Bári aman-esen. Ata-anasy men balaǵa psıhologııalyq kómek kórsetildi», - dedi oblystyq TJD baspasóz qyzmeti.
