Aqtóbede bastaýysh synyp oqýshysyn kólik qaǵyp ketti
AQTÓBE. QazAqparat - Aqtóbede kólik qaǵyp ketken birinshi synyp oqýshysy aýrýhanaǵa tústi, dep habarlaıdy QazAqparat tilshisi oblystyq PD baspasóz qyzmetine silteme jasap.
Aqtóbe polıtsııasy
júrginshilerdiń de jol erejesin jıi buzatynyn aıtyp otyr. Kóbine eresek adamdar
balalaryn belgisi joq jerden jetektep ótip, jol-kólik oqıǵasyna tap bolyp
jatady.
«22 shilde kúni «Reno Sandero» kóliginiń júrgizýshisi jaıaý júrginshini qaǵyp
ketti. Anasy men balasy belgilenbegen jerden joldy kesip ótpek bolǵan. Oqýshy
dene jaraqatyn alyp, aýrýhanaǵa tústi», - dedi oblystyq PD baspasóz jetekshisi
Erbolat Sarqulov.
Aıta keteıik, taǵy bir derekte «KIA K5» kóligi belgilenbegen jerden joldy kesip
ótpek bolǵan júrginshini qaǵyp ketti. Qala turǵyny qolyn jaralap, aýrýhananyń
hırýrgııa bólimine jatqyzyldy.
