Aqtóbede «Bastaý bıznes» jobasynyń bes jyldyǵy qorytyndylandy

AQTÓBE. QazAqparat - Aqtóbede bes jylda 3300-den astam qatysýshy qoldaýǵa ıe boldy, dep habarlaıdy QazAqparat tilshisi.

Aqtóbedegi óńirlik kásipkerler palatasynda isker áıelder keńesiniń qoldaýymen «Tálimgerlik» baǵdarlamasy bastaldy.

«Bastaý Bıznes» jobasynyń 5 jyldyǵy, «Atameken» UKP 8 jyldyǵy sheńberinde kýrstyń alǵashqy 15 tyńdaýshysy tálimgerge ıe boldy.

Іs-shara aıasynda isin jańa bastaǵan kásipkerler men «Bastaý bıznes» jobasynyń túlekteri ózderiniń qol jetkizgen jetistikterin bólisti.

Aqtóbelik Bıbinur Myrzabaı 21 kúndik kýrsty oǵlaın aıaqtap, óziniń bıznes–jobasyn sátti qorǵady.

Bıbinur Myrzabaı jartylaı fabrıkattar daıyndap, satylymǵa shyǵarady.

«Bastaý bıznes» jobasynyń on myńnan astam túlegi bar. Osy jyldar ishinde 3328 jobaǵa qarjylaı qoldaý kórsetildi. Osy jyldan bastap barlyq óńirde mıkroqarjy uıymdary ashyldy. Onda bastaýlyqtarǵa jyldyq ústemeaqysy 6% nesıe beriledi»,- dedi óńirlik kásipkerler palatasynyń baspasóz qyzmeti.

Sharada isker áıelder keńesiniń belsendi músheleri, ÓKP bıznes-trenerleri men qyzmetkerleri alǵys hatpen marapattaldy.