Aqtóbede bankır áriptesterin aldap, mıllıondap qarjy jymqyrǵan
AQTÓBE. QazAqparat - Aqtóbede bank qyzmetkeri adamdardyń senimine kirip, qomaqty kólemde qarjy jymqyrǵan, dep habarlaıdy QazAqparat tilshisi.
Aqtóbe oblystyq polıtsııa departamenti alaıaqtyq jasaǵan kúdiktini ustady.
«Alaıaqtyq jasaǵan bank qyzmetkeri. Ol aldymen adamdardyń senimine kirý úshin 50-70 myń teńge alyp, keıin paıyzdyq ústemeaqysymen qosa qaıtarǵan. Kúdikti óz áriptesteri men tanystaryn aldaǵan. Aqsha alyp, ony ýaqytyly ıesine qaıtarǵanda senim artqan adamdardyń sany kóbeıip, olar birneshe mıllıon teńge bergen. Al mıllıondar qolǵa tıgende bank qyzmetkeri aqsha men ústemeaqyny bermedi», - dedi oblystyq PD baspasóz qyzmetkeri Erbolat Sarqulov.
Qazirgi ýaqytta zardap shekken 8 turǵyn aryz túsirdi. Qylmystyq kodekstiń «Alaıaqtyq» baby boıynsha is qozǵalyp, sot aldy tergeý bastaldy.
