Aqtóbede bank termınalyn urlaǵandar ustaldy
AQTÓBE. QazAqparat - Eki adam tańda dúken esigin buzyp kirip, bank termınalyn urlap ketti, dep habarlaıdy QazAqparat tilshisi.
Oqıǵa 14 qazan kúni saǵat 5:00-de tirkeldi. Al polıtsııaǵa habar saǵat 5:10-da tústi. Oqıǵa ornyna polıtsııa qyzmetkerleri K. Tajenov pen S.Sultangereev shuǵyl jetti.
«Eki belgisiz adam dúkenniń esigin buzyp kirip, bank termınalyn alyp ketken. Jedel izdestirý kezinde kúdiktiler ustaldy. Qazirgi ýaqytta Qylmystyq kodekstiń «Urlyq» babymen is qozǵalyp, tergeý júrip jatyr. Shyǵyn kólemi anyqtalýda», - dedi oblystyq PD baspasóz qyzmeti.
