Aqtóbede bank qyzmetkeri klıentterdiń aqshasyn qumar oıynǵa salyp jiberdi
Polıtsııaǵa birneshe azamat habarlasyp, shottarynan aqshanyń bir bóligi joǵalyp ketkeni týraly aryz jazdy. Tergeý júrgizý barysynda qarjy mekemesiniń 21 jastaǵy operatory anyqtalyp, ustady.
«Kúdikti úsh aı boıy 4 salymshynyń shotynan aqsha alyp otyrǵan. Salymshylardyń baıqamaýy úshin aqshany 30 myń teńgeden bólip-bólip sheship alǵan. Jalpy alǵanda jábirlenýshilerdiń shotyn 1 mln 300 myń teńge joǵaldy. Urlanǵan aqshany jas jigit býkmekerlik keńselerdegi qumar oıynǵa tikken.
Barlyq fakti negizinde Qylmystyq kodekstiń «Urlyq» baby boıynsha sotqa deıingi tergeý júrgizilip jatyr»,- dep habarlady oblystyq PD baspasóz qyzmetiniń jetekshisi Erbolat Sarqulov.
Polıtseıler bank kartalarynan qarjy urlaý dereginiń kóbeıgenin, soǵan baılanysty qarapaıym qaýipsizdik erejelerin saqtaýdy surady. Sonymen qatar, qylmyskerler únemi óz daǵdylaryn jetildirip, urlyqtyń jańa tásilin jasaıdy. Sondyqtan bank esepshotynda saqtalǵan qarjyny únemi baqylap otyrǵan durys.