Aqtóbede bank qyzmetkeri 12 mıllıon teńgeni ózine aýdaryp aldy

AQTÓBE. QazAqparat - Aqtóbede ekinshi deńgeıli bank menedjeri óz esepshotyna 12 mıllıon teńgeni zańsyz aýdaryp alǵan. Qazir osy oqıǵaǵa baılanysty qylmystyq is qozǵaldy, dep habarlaıdy QazAqparat tilshisi.

«Ekinshi deńgeıli bank dırektory ózindik qaýipsizdik qyzmeti arqyly 12 mıllıonnan astam teńgeniń menedjerge aýdarylǵanyn anyqtap, habarlama berdi. Qazirgi ýaqytta banktiń esep bólimindegi 35 jastaǵy menedjer qaladan shyqpaý týraly bultartpaý sharasymen jiberildi. Qylmystyq is qozǵaldy. Tergeý jumystary júrip jatyr»,- dedi Aqtóbe oblystyq ІІD baspasóz qyzmetiniń jetekshisi Nurgúl Qonaqbaeva.

Aıta keteıik, Qylmystyq kodekstiń «Senip tapsyrylǵan bóten múlikti ıemdenip alý jáne talan-tarajǵa salý» baby boıynsha is qozǵalyp jatyr. Eger kúdiktiniń kinási dáleldense, onyń múlki tárkilenip, 7 jyldan 12 jylǵa deıin bas bostandyǵynan aıyrylýy múmkin.