Aqtóbede balyqty zańsyz aýlaǵan qala turǵyny ustaldy
AQTÓBE. QazAqparat - Aqtóbeniń Torǵaı ózeninde balyqty zańsyz aýlaǵan turǵyn ustaldy, dep habarlaıdy QazAqparat tilshisi.
Elimiz boıynsha qazir «Kıik» aldyn alý sharasy ótip jatyr. Yrǵyz aýdandyq polıtsııa bóliminiń qyzmetkerleri reıd kezinde oblys ortalyǵynyń 39 jastaǵy turǵynyn ustady. Odan 5 balyq aýy, rezeńke qaıyq jáne 56 dana sazan tabylyp, tárkilendi.
«Atalǵan fakti boıynsha Qylmystyq kodekstiń «Balyq resýrstaryn zańsyz óndirý» babymen tergeý amaldary júrgizilip jatyr. Kúdiktiniń kinási dáleldense múlki tárkilenip, alty myń aılyq eseptik kórsetkishke deıingi mólsherde aıyppul salý ne sol mólsherde túzeý jumystaryn ne úsh jyldan alty jylǵa deıingi merzimge bas bostandyǵyn shekteý ne sol merzimge bas bostandyǵynan aıyrý kózdelgen»,- dep habarlady oblystyq PD baspasóz qyzmetiniń jetekshisi Erbolat Sarqulov.
