Aqtóbede balyq satýshylardy bopsalaǵan polıtsııa basshysynyń orynbasary ustaldy
AQTÓBE. QazAqparat - Aqtóbe oblystyq Іshki ister departamentiniń Uıymdasqan qylmysqa qarsy kúres basqarmasy bastyǵynyń orynbasary Abaı Dáýletov balyq satýshylardy bopsalaǵan. Bul iske qatysty tergeý bastaldy, dep habarlaıdy QazAqparat.
«Aqtóbe oblysynyń prokýratýrasy men Ulttyq qaýipsizdik komıtetiniń oblystyq departamenti birlesip, laýazymdyq ókilettikterin asyra paıdalaný deregi boıynsha polıtsııa qyzmetkerine qatysty sotqa deıingi tergeýdi bastady. Aqtóbe oblysynyń ІІD Uıymdasqan qylmysqa qarsy kúres basqarmasynyń qyzmetkerleri balyq ónimderin satýshylardy anyqtap, qylmystyq jaýapqa tartpaý úshin olardy bopsalaǵan. Keıin balyqty polıtsııa qyzmetkerleri basqa adamdarǵa satqan. Polıtsııa qyzmetkerleri 26 sáýir kúni balyq satý kezinde ustaldy.
Olar balyqty 70 myń teńgege baǵalady. Oblystyq ІІD UQKB bastyǵynyń orynbasary Abaı Dáýletovti arnaıy prokýrorlar basqarmasy men Aqtóbe oblysynyń UQKD birlese qolǵa túsirdi», - dep habarlaıdy oblystyq prokýratýranyń baspasóz qyzmeti.
Aıta keteıik, osy oqıǵa boıynsha Qylmystyq kodekstiń «Bılikti nemese laýazymdyq ókilettikterdi asyra paıdalaný» baby boıynsha is qozǵaldy. Prokýratýra kúdikti Abaı Dáýletovke qatysty qamaýǵa alý túrindegi bultartpaý sharasyn sanktsııalaý týraly ótinishin sotqa joldady.
