Aqtóbede balasyn baqylaýsyz jibergen ata-analar ákimshilik jaýapqa tartyldy
AQTÓBE. QazAqparat – Aqtóbede ıývenaldy polıtsııa qyzmetkerleri reıd júrgizdi. Polıtsııa bólimine barlyǵy 46 bala jetkizildi, dep habarlaıdy QazAqparat tilshisi.
Kámeletke tolmaǵandar arasyndaǵy quqyq buzýshylyqtyń aldyn alý maqsatynda Aqtóbe qalasy PB ıývenaldy polıtsııa qyzmetkerleri kún saıyn reıd júrgizedi. ıÝvenaldy polıtsııa qyzmetkerleri bir táýlikte kámeletke tolmaǵan 46 balany bólimshege jetkizdi.
«Bir jasóspirimnen pyshaq tárkilendi. Barlyq balanyń ata-anasyna túsindirý jumysy júrgizildi. Sondaı-aq QR ÁQBtK 442-baptyń 2-bóligi boıynsha 26 ata-ana ákimshilik jaýapqa tartyldy. Balalardyń ómiri men densaýlyǵyn saqtaý - eresekterdiń basty mindeti. Aqtóbe qalasynyń polıtsııa basqarmasy balalarynyń júrgen jerin baqylaýdy jáne demalystyń sátti ótýi úshin barlyq jaǵdaıdy jasaýdy suraıdy»,- dedi oblystyq PD baspasóz qyzmetiniń jetekshisi Erbolat Sarqulov.
