Aqtóbede balasy anasyna baýyryn bólip berdi
AQTÓBE. QazAqparat - Aqtóbede baýyr tserrozyna shaldyqqan naýqas áıelge balasy baýyrynyń bir bóligin berdi, dep habarlaıdy QazAqparat tilshisi.
Aqtóbe qalasynyń turǵyny ózin jaısyz sezinip, basy aınalyp, álsireı bastaǵan soń dárigerge qaralǵan. Aq halattylar birden baýyr tserrozy dıagnozyn qoıdy. Ári S gepatıti anyqtaldy.
«Alǵashynda gepatıtti emdeý sharasy júrdi. Biraq jaǵdaı ońalmady. Sondyqtan baýyrdy aýystyrý jóninde sheshim qabyldandy. Anasynyń aýyryp jatqanyn kórgen balasy birden baýyryn berýge kelisti. Ota Aqtóbe qalasynda jasaldy. Seýl ulttyq ýnıversıtetiniń professory Kvang Výng Lı bastaǵan dárigerler 6 saǵattan astam ýaqyt boıy operatsııa jasady. Naýqastyń jaǵdaıy turaqty aýyr, jansaqtaý bóliminen jalpy palataǵa aýystyryldy», - dep habarlady oblystyq densaýlyq saqtaý basqarmasynyń baspasóz qyzmeti.
Aıta keteıik, ota Seýl ulttyq ýnıversıteti, oblystyq densaýlyq saqtaý basqarmasy jáne Aqtóbe medıtsına ortalyǵy arasyndaǵy kelisim aıasynda jasaldy. Bul - baýyr aýystyrýdyń 14-shi otasy boldy.
