Aqtóbede balany uryp-soǵyp, bazarda jumys isteýge májbúrlegen ógeı áke sottaldy

AQTÓBE. KAZINFORM — Sot 4 jyl bas bostandyǵynan aıyrý jazasyn taǵaıyndady. Kýágerlerdiń jaýaby men saraptama qorytyndysy dálel boldy. 

Aqtóbe qalasynyń № 2 sotynda Qylmystyq kodekstiń «Qınaý» baby boıynsha is qaraldy. Іs materıalyna súıensek, qala turǵyny 2012 jyly týǵan ógeı balasyn uzaq ýaqyt boıy uryp-soqqan. Tipti bazarda jumys isteýge májbúrlep, aıaýsyz sabaǵan. Balanyń qol-aıaǵy saý, biraq psıhıkalyq zııanyn tıgizdi, denesi kógerdi. Bul týraly sotta jábirlenýshi bala da, onyń anasy da aıtqan.

— Sottalýshy ózine taǵylǵan aıypty ishinara moıyndady. Onyń kinási kýálardyń aıǵaǵy, saraptama qorytyndysy kezinde dáleldenedi. Jaza taǵaıyndaý kezinde sot kámeletke tolmaǵan balaǵa qatysty jasalǵan qylmystyń qoǵamǵa qaýipti ekenin eskerdi. Sot sottalýshyny Qylmystyq kodekstiń 110-babynyń 2-bóligi 1-tarmaǵymen kináli dep tanyp, oǵan 4 jyl bas bostandyǵynan aıyrý jazasyn taǵaıyndady. Sot úkimi zańdy kúshine engen joq, — dep habarlady Aqtóbe qalasynyń № 2 sotynyń baspasóz qyzmeti.

Aıta keteıik, Oralda jasóspirimdi uryp-soǵý deregi boıynsha qylmystyq is qozǵaldy. Bul jóninde áleýmettik jelide beınejazba tarady.