Aqtóbede balamasy joq kombınat ashyldy
AQTÓBE. QazAqparat - Aqtóbede elemizdegi balamasy joq kombınat ashyldy. Atalmysh nysandy salǵan «Úı qurylys kombınaty» JShS kompanııasy qala turǵyndaryn qol jetimdi baspanamen qamtamasyz etý boıynsha memlekettik baǵdarlamany júzege asyrýda belsendi at salysýda, dep jazady «Aıqyn» gazeti.
JShS dırektory Dáýlet Álıev jańa úı qurylysy kombınaty turǵyn úıdi 100 paıyz qazaqstandyq mazmunda salýǵa múmkindik beretinin aıtty.
- Osy jyly biz elimizdiń aıtýly oqıǵasy Qazaqstannyń 25 jyldyǵyn toılaımyz. Osy jyldar aralyǵynda elimiz 50 damyǵan elderdiń qataryna enip, TMD elderiniń aldy boldy. Búgin ashqaly turǵan úı qurylysy kombınaty QR údemeli ındýstrıaldy damý baǵdarlamasy aıasynda salynǵan bolatyn,-dep atap ótti oblys ákimi Berdibek Saparbaev.
Aıta ketý kerek, joba MJS aıasynda «Aqtóbe» ÁKK-men birlese otyryp júzege asyrylyp, oǵan memleket tarapynan jan-jaqty qoldaý kórsetildi: 1,4 mlrd teńge nesıe somasynyń paıyzdyq mólsheri sýbsdııalanyp, 130 mln. astam teńge qarjyǵa ınfroqurylym tartyldy.
Zaýyttyń qýaty jylyna 50 myń sharshy metr turǵyn úıdi quraıdy, bul jyl saıyn 10 toǵyz qabatty eki kireberisti úı salýǵa múmkindik beredi. Jalpy, ÚQK-n iske qosý óńirde turǵyn úıge qol jetkizýdi qamtamasyz etedi, al shyǵarylatyn ónim sapanyń álemdik standarttaryna jaýap beretin bolady. Óndiriste Weckenmann kompanııasynyń qural-jabdyqtaryn paıdalanylady.
Úı qurylysy kombınaty «Óńirlerdi 2020 damytý» baǵdarlamasyn júzege asyrý aıasynda qoldanylatyn syrtqy jáne ishki qabyrǵa panelderin, eden plıtalar, baspaldaqtar jáne basqa da ónimderdi shyǵarýdy josparlap otyr, aldaǵy ýaqytta syrtqy naryqqa shyǵýy yqtımal.
Shyǵarylatyn ónimdi paıdalanýdaǵy negizgi artyqshylyqtyń biri qurylys nysandarynyń salý merzimderin 1,5-2 jyldan 1 jylǵa deıin, qurylystyń ózindik qunyn 30 paıyzǵa deıin tómendetip, sapasyn arttyrady.
Jańa kásiporynda 100-den astam jańa jumys oryndary ashyldy.
Berik BEISENULY
