Aqtóbede balalarǵa dinı kitap taratqan uıym izdestirilip jatyr
Oqýshylardyń biri jazǵy demalysta tegin lagerge barǵanymen onyń anasy dál mekenjaıyn bilmeıtin bolyp shyqty. Tek kún saıyn kólikke mingizip jiberetin bolǵan.
«Ata-ana balanyń qaı jerge baryp júrgenin múlde bilmegen. Eki kún kólikke mingizip jiberip, úıdiń janynan kútip alǵan. Balanyń aıtýynsha, lagerde oınaǵan, tamaq ishken, sońǵy kúni kitapty paketke salyp bergen. Qazir mektep ınspektory men psıholog oqýshymen áńgime júrgizip jatyr. «Nur» lageri ekenin biledi. Oqıǵa maýsym aıynda, demalys kezinde bolǵan. Taıaýda otaǵasy qaıtys bolyp, kitapty molda kórip qalǵan. Áleýmettik jelige salyp jibergen de solar. Bizdiń mekteptiń basqa oqýshysynan mundaı oqıǵa estimedik», - dedi №71 orta mekteptiń dırektory Laýra Doshoja.
Qazirgi ýaqytta mekteptegi ana-analar jınalysyna teolog shaqyryldy.
«Dinı kitaptardyń qaıda taratylǵanyn, qandaı dinı birlestik bergenin anyqtaımyz. Jobamen Іnjildik-hrıstıan baptıstik uıymy dep otyrmyz. Olar 2012 jyly resmı tirkelgen», - dedi oblystyq din isteri basqarmasynyń basshysy Álimbek Turalıev.
