Aqtóbede balalarǵa arnalǵan tolyq metrajdy fılm túsirildi
ASTANA. QazAqparat - Aqtóbede balalarǵa arnalǵan tolyq metrajdy fılm túsirildi. Bul týraly Óńirlik kommýnıkatsııalar qyzmetinde ótken baspasóz konferentsııasynda «MediaPRO» balalar prodıýserlik ortalyǵynyń basshysy Janargúl Dosova habarlady.
Aqtóbe oblysynda alǵash ret jas jáne kásibı akterlerdiń qatysýymen balalarǵa arnalǵan tolyq metrajdy fılm túsirildi. «Jasa» fılminiń rejısserlary - Qanat Aıtbaev pen Meıram Habıdolla. Atalmysh jobaǵa Ákim Álisher, Gaýhar Álibekqyzy, Juldyz Elýbaı, Qanat Musaǵulov sekildi jas akterler men Roza Balǵalıqyzy, Keńes Kemelbaev, Dınara Espaeva jáne Daýren Balapanov sııaqty kásibı akterler qatysty.
«Bul joba balalar fılmderin shyǵarý protsesin yntalandyrý maqsatynda shyǵarmashylyq tulǵanyń ózin-ózi kórsetýi men qatar, adamgershilik, rýhanı jáne otbasylyq qundylyqtardy nasıhattaý sonymen qatar, óńirdiń balalary men jastarynyń áleýmettik jáne shyǵarmashylyq turǵydan ózin-ózi qalyptastyrýyna járdemdesý úshin iske asyryldy», - deıdi jobanyń basshysy Janargúl Dosova.
Aıta keteıik, balalarǵa arnalǵan mýzykalyq fılm otbasylyq melodrama janrynda túsirilgen. Fılmde otbasyn ajyrasýdan aman alyp qalý úshin barlyq sharalardy qoldanatyn 13 jasar Jasar atty bala týraly aıtylady.
