Aqtóbede balalarǵa arnalǵan avtoqalashyq ashyldy
AQTÓBE. QazAqparat - Aqtóbede balalarǵa jol erejesin úıretetin avtoqalashyq ashyldy, dep habarlaıdy QazAqparat tilshisi.
Aqtóbe oblysynyń PD Jol-tehnıkalyq ınspektsııa bólimi qyzmetkerleri, QR ІІM Aqtóbe zań ınstıtýtynyń «Kólik obektilerinde qaýipsizdikti uıymdastyrý» kafedrasy jáne Aqtóbe qalasynyń ákimdigi Tuńǵysh Prezıdent atyndaǵy saıabaq aýmaǵynda avtoqalashyq saldy. Negizgi maqsat balalarǵa jol qozǵalysy erejelerin jol qozǵalysynyń naqty qatysýshylary retinde úıretý. Bul óz kezeginde jolda júrý mádenıeti men erejelerdi saqtaýǵa septigin tıgizedi.
«Avtoqalashyqqa barlyq qala turǵyny men qonaqtary óz izbasarlarymen qalaǵan ýaqytta kelip, «Jol júrý erejesi» tóńiregindegi bilimin shyńdaýyna bolady. Sonymen qatar, atalǵan jobanyń júzege asýyna úlken úles qosqan qala ákimdigine aıtar alǵysymyz sheksiz» - dedi oblystyq PD Ákimshilik polıtsııa basqarmasynyń bólim bastyǵy Erkin Ótegen.
Statıstıkaǵa súıensek, bıyl 5 aıda balalarǵa qatysty 27 jol-kólik oqıǵasy bolyp, nátıjesinde 1 bala qaza tapty. Al 22 bala túrli dene jaraqatyn aldy.
