Aqtóbede balalardyń betine buryshty gaz shashqan jasóspirim shekarada ustaldy
AQTÓBE. KAZINFORM – Aqtóbe qalasyndaǵy kópir ústinde júrgen balalardyń betine buryshty gaz shashqan kúdikti tabyldy. Ol Qazaqstan men Reseı shekarasynda ustaldy.
Aqtóbe qalasynda bolǵan oqıǵa áleýmettik jeli arqyly tarap ketti. Onda 11 shaǵyn aýdandaǵy kópir ústinde júrgen balalarǵa beıtanys adamnyń kishkentaı qutydaǵy gaz ballonyn qoldanǵany belgili boldy. Balalar sol kezde aıqaılap, bireýi qasha jónelgen. Osydan keıin jasóspirimdi izdeý jumysy júrgizildi.
– Jedel-izdestirý is-sharalaryn júrgizý barysynda Aqtóbe oblysynyń polıtsııa qyzmetkerleri shekaradan ótpek bolǵan kámeletke tolmaǵan kúdiktini ustady. Ol buzaqylyq isi boıynsha izdeýde boldy. Balalarǵa qarsy gaz qutysyn qoldanǵan, - dep habarlady Aqtóbe oblystyq PD baspasóz qyzmeti.
Eske salsaq, buǵan deıin Aqtóbe oblysynda qala turǵynynyń úıinen 21 atys qarýy tabylǵanyn jazǵan bolatynbyz.
