Aqtóbede balalar jattyǵatyn basseın qyzmetkeri hımııalyq reagentke tunshyǵyp qaldy

AQTÓBE. KAZINFORM - Aqtóbede «Shaǵala» basseıni búgin jumysty ýaqytynan buryn aıaqtady. Munda qyzmetker hımııalyq reagentke tunshyǵyp, jedel járdem shaqyrǵan.

Oqıǵa búgin saǵat 17:30-de «Shaǵala» balalar-jasóspirimder sý sporty mektebinde boldy. 50 jastaǵy qyzmetker hımııalyq reagentterdi qoldaný kezinde ózin jaısyz sezingen.

- Aldyn ala jetken málimetke súıensek, basseın qyzmetkeri pH rettegishti paıdalaný jáne sýdy hlorlaý kezinde qatelik jibergen. Saldarynan ol tunshyǵyp, jedel járdem brıgadasy aýrýhanaǵa jetkizdi. Basseın qyzmetkeriniń jaǵdaıy turaqty. Ol alǵashqy medıtsınalyq kómek alǵan soń ambýlatorly em qabyldaýǵa jiberildi, - dep habarlady Aqtóbe oblystyq densaýlyq saqtaý basqarmasynyń baspasóz qyzmeti.

Qazirgi kezde nelikten oqys jaǵdaı bolǵanyn arnaıy mamandar tekserip jatyr.

Eske salsaq, bul basseın 1 jyldan astam ýaqyt boıy jóndeldi. Ata-analar jóndeý jumysynyń uzaqqa sozylǵanyn aıtyp, shý shyǵardy.