Aqtóbede balalar úıinen ketip qalǵan jasóspirim bir aptadan beri izdestirilip jatyr
AQTÓBE. QazAqparat - «Aıala» ómirlik qıyn jaǵdaıdaǵy balalardy qoldaý ortalyǵynan ketip qalǵan Álisher Janzaqov tabylmaı jatyr, dep habarlaıdy QazAqparat tilshisi.
Aqtóbelik eriktiler, polıtsııa 17 jastaǵy Álisher Janzaqovty áli izdestirip jatyr. Qala turǵyndarynyń arasynda ony kórgender bar, degenmen naqty qaı jerge turaqtaǵany áli belgisiz.
«Aıala» ómirlik qıyn jaǵdaıdaǵy balalardy qoldaý ortalyǵynan besinshi shilde kúni ketip qalǵan, sodan beri tabylmady. Ony kórgen adamdar bar, izdeý jalǵasady», - dep málimdedi oblystyq polıtsııa departamentiniń baspasóz qyzmeti.
Ortalyq dırektory Ómirbek Tekeshovtyń aıtýynsha, jasóspirim buǵan deıin Temir aýdanynda tárbıelengen, keıin Aqtóbege jiberilgen. Ata-anasy bar bala besinshi shildeden beri izdestirilip jatqanymen, esh habar joq.
«Buǵan deıin de osyndaı jaǵdaı bolǵan. Shyndyǵynda men bala týraly jan-jaqty aqparat bere almaımyn. Onyń anasy bar», - dedi Ómirbek Tekeshov.
