Aqtóbede balabaqshany senimgerlik basqarýǵa alǵan kásipker qaryzǵa batty
AQTÓBE. QazAqparat - Aqtóbe qalalyq jumyspen qamtý jáne áleýmettik baǵdarlamalar bóliminiń burynǵy ǵımaratyn senimgerlik basqarýǵa alǵan Ásemgúl Balqybaeva qaryzǵa batty. Ol ǵımarat ishindegi tonalǵan zattyń bárin óz qarjysyna satyp aldy, dep habarlaıdy QazAqparat tilshisi.
Aqtóbe qalasyndaǵy jumyspen qamtý ortalyǵynyń ǵımaratyn alyp, senimgerlik basqarýmen balabaqsha ashpaq bolǵan kásipker Ásemgúl Balqybaeva kútpegen jaǵdaıǵa tap boldy. Ǵımarat ishimen tanysqanda bári túgel bolatyn. Keıin ortalyq kóship, ishindegi jylý batareıalary men esik, elektr toǵy, lınolıým tonalǵan. Іshki ister organdaryna aryz jazǵan kásipker kináli adamdy aldymen ózi izdep, tergeý jumystaryna aralasty. Buǵan deıin habarlaǵanymyzdaı, is tergelip, sotqa joldandy.
Іs materıaldaryna súıensek, balabaqshaǵa arnalǵan ǵımarattyń jylý batareıalaryn jumyspen qamtý ortalyǵynyń sharýashylyq meńgerýshisi Balqııash Moldagereeva alyp ketken. Ony arnaıy ótkizý oryndaryna tapsyrǵan. Sýdıa Gúlnar Tlepova aıyptalýshy B.Moldagereevaǵa1 jylǵa shartty túrde jaza taǵaıyndady.
Sonymen qatar, ol ǵımarattan urlanǵan batareıalardyń 664 myń teńge materıaldyq shyǵynyn óteıdi. Kásipker sot sheshimimen kelispeı, azamattyq sotqa aryz jazýǵa daıyndap jatyr. Ol batareıanyń shyǵyny 4 mıllıon teńge dep otyr.
«Qylmystyq is qaraldy, úkim shyqty. Bar bolǵany 664 myń teńge shyǵyn esepteldi. Bul úkimmen kelispeımin. Meniń shyǵynym óte kóp. Máselen, men ǵımaratqa jańa batareıalardy satyp alý úshin 1,6 mıllıon teńgeden astam qarjy jumsadym. Al tehnıkalyq qyzmetke 1,2 mıllıon teńge berdim. Qosalqy bólshekter úshin taǵy 800 myń teńge tólendi. Barlyǵy 4 mıllıon teńge bolady. Báriniń qujaty bar»,- dedi jábirlenýshi Ásemgúl Balqybaeva.
Kásipker balabaqsha ǵımaratyn senimgerlik basqarýǵa alyp, ol úshin 6 mıllıon teńge qarjysyn saldy. Eger ol balabaqsha ashý oıynan bas tartsa, kepil retinde berilgen qarjy keri qaıtarylmaıdy. Talap boıynsha jeltoqsanda balabaqsha ashylyp, kezekte turǵandardy qabyldaýy tıis.
«Balabaqsha ashý úshin baýyrym úıin satyp, ákemniń úıi kepilge qoıdym. Qazir 50-ge jýyq baqshaǵa qabyldandy. Al ózim áli sotta júrmin. Endi azamattyq sotqa aryz túsirip, shyǵyndy óndirgim keledi. Sonymen qatar, lınoleým men esikterge qatysty qylmystyq is bólek tergelip jatyr. Ol is te sotqa jetýi tıis. Bul shyrǵalańy kóp jumys boldy. Mekemeniń sharýashylyq jónindegi meńgerýshisi aıyptalǵanymen, basshylar jaýap bermedi»,- dedi kásipker.
