Aqtóbede balabaqshalar jumysy ýaqytsha toqtaıdy
Aqtóbe oblystyq taýarlar men kórsetiletin qyzmetter sapasy men qaýipsizdigin baqylaý departamentiniń basshysy Nursulý Berkimbaevanyń jańa qaýlysy shyqty. Onda balabaqshalar jumysyn toqtatýǵa sheshim shyǵarylǵan.
«Aqtóbe qalasynyń jáne aýdandardaǵy balabaqshalar, birge bilim berý ortalyqtary, úıirmeler, qosymsha bilim berý mekemeleriniń jumysy 25 maýsymnan bastap ýaqytsha toqtatylsyn», - dep jazylǵan qaýlyda.
Aıta keteıik, Aqtóbede sońǵy táýlikte taǵy 25 adam aýyryp, ınfektsııalyq gospıtalǵa jatqyzyldy. Bireýi Mártók, jeteýi Hromtaý aýdanynan bolsa, ózgesi Aqtóbe qalasynyń turǵyny. Arasynda 4 jasar bala bar.
Oblysta barlyǵy 653 adam tirkelse, onyń teń jartysynan astamy emdelip shyqty. Al eshqandaı klınıkalyq belgisi baıqalmaıtyndar qatary 345-ke jetti.
Bir táýlikte oblysta 38 tasymaldaýshy tirkeldi.