Aqtóbede balabaqsha aqysy qymbattady
AQTÓBE. QazAqparat - Aqtóbede mektepke deıingi uıymdarda tamaqtaný aqysyna ata-analar buryn 400 teńge tólese, 1 aqpannan bastap baǵa 500 teńge boldy, dep habarlaıdy QazAqparat tilshisi.
Aqtóbede balabaqsha balalaryn tamaqtandyrý úshin memlekettik balabaqshalar ár kún saıyn 400 teńge alady. Al jeke baqshalar balalarǵa tórt mezgil as ázirleý úshin kúnine 420 teńge esepteıdi. Bul baǵa 2012 jyly bekitilgen bolatyn. Qazir barlyq mektepke deıingi uıymdarda Aqtóbe qalalyq bilim bóliminiń buıryǵy ilingen.
«Balalar tańǵy saǵat 8:00-den keshki 18:30-ǵa deıin baqshada bolyp, tamaqtandyrý úshin kúnine 500 teńge bekitilsin. Qalanyń mektepke deıingi uıymdarynda tamaqtaný úshin tólemdi belgileý týraly 2012 jylǵy buıryǵynyń kúshi joıylsyn», - dep jazylǵan buıryqta.
Aıta keteıik, Aqtóbede jańa jyldan bastap jylý baǵasy 7,5 paıyzǵa, tutynýshylarǵa arnalǵan taýarly gaz baǵasy shamamen 20 paıyzǵa qymbattady.
