Aqtóbede bala týý kórseshtkishi tómendedi
AQTÓBE. QazAqparat - Aqtóbede bala týý kórsetkishi azaıdy. Keıbir aýdanda 200-den astam sábı dúnıege kelgen, dep habarlaıdy QazAqparat tilshisi.
Aqtóbe oblysynyń halyq sany 851 myńnan asty. Olardyń 226 myńnan astamy bala. Jyl ótken saıyn óńir halqy aýyldy tastap, qalaǵa shoǵyrlanyp jatyr. Qazirgi kúni halyqtyń 63,2 paıyzy qalada turady.
«2016 jylmen salystyrǵanda ótken jyly týý kórsetkishi 6,2 paıyzǵa tómendedi. Ótken jyly 17580 bala ómirge keldi. Al 2016 jyly 18 500 bala dúnıe esigin ashqan bolatyn. Eń tómen kórsetkish Qobda aýdanynda tirkeldi. Bir jylda barlyǵy 208 sábı dúnıege keldi. Osylaısha halyqtyń tabıǵı ósimi tómendep otyr. Al ólim kórsetkishi 4,8 paıyzǵa tómendedi»,- dedi Aqtóbe oblystyq densaýlyq saqtaý basqarmasynyń basshysy Áset Qalıev.
Aıta keteıik, Aqtóbede ólim kórsetkishi boıynsha júrek-qan tamyrlary aýrýy, ókpe-tynys alý organdarynyń patologııasy men as qorytý joldarynyń aýrýy, qatarli isik pen jol-kólik oqıǵalaryndaǵy qaıǵyly jaǵdaı aldyńǵy qatarda tur.
