Aqtóbede baqılyq bolǵan qojalyq basshysynyń atyna sýbsıdııa rásimdelgen
Aqtóbe oblysy Mártók aýdanynda sharýa qojalyǵynyń basshysy qaıtys bolǵanymen, onyń týystary ETsQ paıdalanyp, sýdsıdııa alǵan. Qazirgi kezde tekserý júrip jatyr, dep habarlaıdy Kazinform.
Aqtóbe oblysy boıynsha Іshki memlekettik aýdıt departamenti túsken shaǵymdy tekserip, zańsyzdyqty anyqtady.
- Oqıǵa 2022 jyly bolǵan. Sharýa qojalyǵynyń basshysy 2022 jyldyń 14-qarashasynda kóz jumǵan. Al jem-shóp shyǵyndaryn arzandatýǵa sýbsıdııa bólýge ótinish 2022 jyldyń 23-jeltoqsany kúni onlaın berilip, maquldanǵan. Sóıtip sharýa qojalyǵynyń shotyna 3 mln 710 myń teńge aýdaryldy. Jeke tulǵadan shaǵym túsip, tekserý kezinde bári anyqtaldy. Tekserý bıyl 4-22 jeltoqsan aralyǵynda boldy. Zań talaptaryna sáıkes shyǵyndy qaıta qalpyna keltirýge múmkindik beredi. Eger qalpyna keltirilmese, tıisti protsessýaldyq sheshim qabyldaýǵa jiberiledi, - dedi Aqtóbe oblysy boıynsha Іshki memlekettik aýdıt departamentiniń basshysy Sáken Qasymov.
Aqtóbe oblystyq aýyl sharýashylyǵy jáne jer qatynastary basqarmasynyń basshysy Qusaıyn Sársembaı tirkelgen derekti rastady.
- Ondaı jaǵdaı bolǵan. Ókinishke qaraı bizdiń júıede olardyń qaıtys bolǵany, bolmaǵany týraly derek tirkeýli turmaıdy. Bul oqıǵa 2022 jyly bolǵan eken. Qaıtys bolǵan kisiniń atynan suranys bergen, - dedi Aqtóbe oblystyq aýyl sharýashylyǵy jáne jer qatynastary basqarmasynyń basshysy Qusaıyn Sársembaı.
