Aqtóbede baǵaly tondar men altyn buıymdardy urlaǵan polıtsııa qyzmetkeri sottaldy
AQTÓBE. QazAqparat - Aqtóbede baǵaly tondar men altyn buıymdardy urlaǵan polıtsııa qyzmetkeri sottaldy. Kámeletke tolmaǵandar jónindegi ınspektor Altynbek Qalaýov 4 jyl 6 aıǵa bos bostandyǵynan aıyryldy, dep habarlaıdy QazAqparat tilshisi.
Aqtóbedegi Sazdy polıtsııa bóliminde jumys istegen Altynbek Qalaýov Qylmystyq kodekstiń «Urlyq» baby boıynsha aıypty dep tanyldy. №2 Aqtóbe qalalyq sotynyń sýdıasy E.Baqytjan urlyq jasaǵan polıtsııa qyzmetkerin 6 jylǵa bas bostandyǵynan aıyryp, keıin «Raqymshylyq týraly» Zańǵa súıinip, jaza merziminiń tórtten bir bóligin qysqartty. Sottalýshy A.Qalaýov 4 jyl 6 aı jalpy rejımdegi túzetý mekemesinde jazasyn óteıdi. Sonymen qatar, tintý kezinde tabylǵan bar múlik tárkilenedi.
Sýdıa E.Baqytjan sottalýshy A.Qalaýovty ómir boıy quqyq qorǵaý salasynda jumys isteý quqyǵynan, polıtsııa leıtenanty sheninen aıyrdy. Sot úkimine sáıkes sottalýshy memleket paıdasyna 52 myń teńgege jýyq sot shyǵynyn óteýi tıis.
«Oblystyq ІІD zattaı aıǵaq retinde saqtalǵan 49 myń teńge, 3 janar-jaǵarmaı talony men 2012 jyly shyǵarylǵan «Lada 21144» markaly mashınasy, kilti memleket paıdasyna alynady. Tintý kezinde tabylǵan altyn buıymdar jábirlenýshi Dana Esimbekovaǵa berilsin», - dedi sýdıa E.Baqytjan.
Sot úkimi zańdy kúshine engen joq.
Eske sala keteıik, buǵan deıin Aqtóbede polıtsııa qyzmetkerine baǵaly tondar men altyn buıymdardy urlady degen aıyp taǵylǵany týraly habarlaǵan bolatynbyz .
