Aqtóbede ájethanaǵa túsip ketken 2 jasar sábı kóz jumdy

AQTÓBE. QazAqparat – Aqtóbeniń Shalqar qalasynda 2 jasar sábı ájemhana shuńqyryna túsip ketip, mert boldy, dep habarlaıdy QazAqparat tilshisi.

Aqtóbe oblystyq PD baspasóz qyzmetiniń jetekshisi Erbolat Sarqulovtyń aıtýynsha, oqıǵa Shalqar qalasynda bolǵan.

Onda 2020 jyly týǵan sábı ájethana shuńqyryna túsip ketken.

«Sol kúni anasy ózge balasyn alyp, oblys ortalyǵyna ketken. Al ákesi jumysta bolǵan. Úıindegi týystarynyń balasy ájethanaǵa baryp, qatty jel turǵanda esigi jabylmaı, sábı qulap ketken. Balany shuńqyrdan týysy alyp shyǵyp, dárigerlerge júgindi. Ony keıin sanavıatsııa qyzmetimen qalaǵa jetkizdi. Biraq bala birneshe kúnnen soń kóz jumdy. Onyń ata-anasyna qatysty Qylmystyq kodekstiń «Balalardyń ómiri men densaýlyǵynyń qaýipsizdigin qamtamasyz etý jónindegi mindetterdi tıisinshe oryndamaý» baby boıynsha is qozǵaldy», - dedi Erbolat Sarqulov.

Eske salsaq, Aqtóbe qalasy Eset batyr turǵyn alabynda er adamnyń denesi tabyldy.

Qylmysqa qatysy bar degen kúdikpen 37 jastaǵy turǵyn ustaldy.

Qylmystyq kodekstiń «Densaýlyqqa qasaqana aýyr zııan keltirý» baby boıynsha sotqa deıingi tergeý jumystary bastaldy.

Kúdikti ýaqytsha ustaý ızolıatoryna qamaldy.

Qylmystyq isti tergeý sheńberinde ózge de aqparat jarııa etilýge jatpaıdy.